NRHIAV KEV KAJSIAB

Txhua yam zoo li ib pliag xwb twb yuav dhau plaws mus lawm, tsuas yog txoj kev nyuaj siab ntxhov plawv thiaj nyob nrog peb ua hnub ua hmo thiab tsis tso peb tseg li.

Xyov yuav ua li cas li tiag luj...?

Ntshe tsuas yog kev ywjsiab thiab kev lam hlwb, lossis peb tau ua txhua yam li peb lub siab ntshaw thiab peb lub siab xav xwb ntshe peb thiaj yuav pab tau peb txoj kev kajsiab thiab kev xyiv fab.

Yog leejtwg xav ntsib los sis xav tau txais txoj kev ywjsiab thiab kajsiab ntawm tuaj mus nrog peb hmongtours ncig hiav txwv, ncig roog pov txwv thiab toojroob hauv pes ua si kom peb nrhiav tau tej kev kajsiab thiab kev lomzem rau peb lub neej.

Peb kev ncig ua si nws muaj raws li nram qab no.

Hos yog tias nej xav hloov tejchaw mus ntawm raws nej siab nyiam kuj tau huv si.

☎️ Hu nrhiav peb raws li nram no:

1. Nyob mekas hu (01184)97965575

2. Nyob lwm qhov hu (0084)964823343

3. Facebook: Mus nias Messenger sau rau peb, los yog sau koj lub npe, koj kev xav tau thiab cov lus nug nram qab peb mam li teb koj sai li sai tau.

4. Email: hmongtours@gmail.com

5. Chaw nyob: No. 19 Hang Bac, Hoan Kiem, Hanoi, Vietnam.

Daim duab no yog thaij lub pas dej nyob nrog Hanoi

Hnub 1: Hanoi – Hoa Lu Tam Coc (Noj: su, hmo)

Caij nkoj nyob rau TAM COC

Noj tshai 7 teev. 8 teev 30 sawv kev mus rau Hoa Lu – Tam Coc. Mus ntawm Hanoi mus li 100km. Mus li 2 txoog teev ces txog rau Hoa Lu tav 10 teev 30 mus saib Vietnam lub qub tuam ceeb nroog (Capital) uas thawj thawj tus Huab Tais tau los tsim lub tuam ceeb nroog rau ntawm no. Saib qhov no tag ces los mus noj sus thaum 12 teev. Noj sus tag caij tsheb mus li 30 feeb mus caij nkoj taug dej, taug cov hav liaj zoo nkauj thiab nkag qhov tsua. Caij nkoj tag los nce tsheb rov los rau Hanoi. Los txog Hanoi tav li 7 teev tsaus ntuj ces mus noj hmo thiab los rau ntawm chaw pw.


  Hnub 2: Hanoi – Halong Bay (Noj: Tshais, su, hmo)

Thaum 8 teev tag kis sawv kev ntawm Hanoi mus rau Halong Bay. Halong Bay yog ib lub hiav txwv, ib qho ntawm xya qhov zoo nkauj tshaj ntiaj teb no. Mus txog Hai Duong nres so me ntsis mus ntxiv. Mus txog Halong Bay li 12:30 tav su. Sawv daws nce mus saum nkoj cov nkoj loj muaj chaw pw. Mus txog saum nkoj ces mus muab chav pw thiab nqa hnab mus rau tom nyias chav tag ces los noj su. Noj su tag mus caij nkag qhov tsua thiab mus nquam coj me nyuam nkoj me me. Rov los txog saum nkoj los da dej thiab so tos noj hmo thaum 7 teev tsaus ntuj. Noj hmo tag muaj nuv ntses thiab hu karaoke saum nkoj. Pw saum nkoj chaw zoo ib yam pw tom hotel. Hnub 3: Halong Bay – Hanoi – Lao Cai (Noj: tshai, su, hmo)

Sawv thaum 7 teev thiab noj tshais thaum 7:30 sawv ntxov.Yog leej twg xav thaij duab thaum hnub tuaj mas sawv ntxov zog. Noj tshais tag mus saib zos yug ntses thiab rov los saum nkoj li 9 teev sawv ntxov thiab tshem hnab txhua yam tawm hauv chav los sab nraud. Sawv daws nyob saum nkoj so ua si thiab caij nkoj mus ncig hiav txwv txog 11:30 noj su. Noj su tag tawm tim ntug thiab nce tsheb rov los Hanoi thaum li 5 teev tsaus ntuj. Nce tsheb mus rau tom tshav tsheb ciav hlau thiab caij tsheb ciav hlau mus ib hmos kaj ntug txog Sapa. Muaj chaw pw zoo thiabcua txias tib si. Hnub 4: Lao Cai – Sapa (Noj: tshai, su, hmo)

Thaum 8 teev nce tsheb ntawm Lao Cai mus rau Sapa. Mus txog li thaum 9 teev. Muab hnab txhua yam coj must so rau ntawm hotel thiab mus saib lub zos Hmoob Lao Chai, Tan Van. Caij tsheb taug kev mus txog ntawm qhov nkag rau hauv zos. Taug kev taw mus li 7km thiab tawm tom ncauj ke nce tsheb rov los rau Sapa. Los txog Sapa thaum tav su thiab noj su. Noj su tag los muab chaw pw. Thaum 3 teev hnub qaij mus ncig lub zos Hmoob Cat Cat. Caij tsheb mus txog ntawm ntug zos thiab taug kev taw li 4km. Mus siab Hmoob tsev thiab mus saib ib tus dej tsaws tsag nyob nram qab zos. Mus ntxiv tawm tom ncauj ke thiab nce tsheb rov los pem Sapa. Los txog li thaum 5 teev. Los txog mus so da dej thiab 7 teev mus noj hmo. Hnub 5: Sapa – Fansipan – Ham Rong (Noj: tshai, su, hmo)

Sawv thaum 7teev sawv mus noj tshais. 8teev sawv kev mus caij pob tawb nce mus pem roob Fansipan, rov los noj su ntawm Sapa kwv lam li 12 teev. Noj su tag 2 teev sawv kev los rau Lao Cai. Los txog Lao Cai mus saib dej liab dej ntsuab sib tshuam. Saib tag los noj hmo ze rau tom chaw nce tsheb ciav hlau thiab noj hmo tag nce tsheb rov los rau Hanoi. Pw ib hmos saum tsheb ciav hlau thiab los txog Hanoi thaum sawv ntxov thiab xa los rau qhov uas nyias xav los. Xaus peb qhov Tour…! Tus nqe: 1. Gold package - Very best = $669,00 2. Silver package - Good = $569,00 3. Bronze package - Ok = $469,00 LUS CEEB TOOM Yog ib leeg pw ib chav yuav tau them single. Xav xaiv nkoj los los ib yam. ¬ Tej yam uas koom nrog: - Mov noj, ib hnub 3 pluag, cov chaw noj mov zoo thiab huv siab. - Chaw pw zoo tsim nyog thiab huv si. - Tsheb yog cov tshiab thiab zoo. - Pib nkag qhov rooj ntawm cov chaw ncig. - Nqi caij nkoj. - Muaj tus coj kev thiab pes lus nrog. ¬ Tej yam tsis koom nrog: - Dej haus, npias, cawv thiab tej yam uas yog dej. - Hu xov tooj tham xov tooj - Ntxhua khaub ncaws. - Nqi dav hlau. - Tos thiab xa mus ntawm tshav dav hlau.

KHW KEV HLUB MOC CHAU

Khw kev hlub yog ib hom khw uas nyob rau Vietnam luag lwm hais neeg cav txog peb haiv neeg Hmoob nyob toj siab ib xyoo twg muaj ib zaug. Peb Hmoob nyob toj siab nyias nyob nyias zej nyias zos deb deb thiab niaj hnub mus ua liaj ua teb xwb tej hluas tsis muaj sijhawm sib ntsib sib cuag ces thiaj muaj ib lub koob tsheej sib teem ib xyoos ib zaug kom sawvdaws tuaj sib ntsib cov hluas nkauj hluas nraug sib ntsib, tuaj nrhiav khub rau lawv, cov hluas nkauj hluas nraug tuaj sib ntsib dhia qeej, tuaj sib tw, cov hluas nkauj tuaj dhia kaus, tuaj nrhiav ib tus hlub haum yus siab, kuj yog chaw rau cov laus uas sib hlub tsis sib tau tuaj sib ntsib. rau haiv neeg Hmoob tsuag yog lub koom tshej tiamsis luag lwm haiv neeg tsis paub hu li cas vim li no luag lwm hais neeg thiaj muab hu tias khw kev hlub. Nyob rau Vietnam thaum twg hais txog lub npe khw kev hlub ces luag nco txog haiv neeg tsawg nyob toj siab tshwj xeeb yog

haiv neeg Hmoob.

Khub hluas nkauj hluas nraug dhia kaus

Cov hluas tuaj sib tw

Nyob rau Moc Chau, Son La, Vietnam ib xyoos twg muaj ib zaug rau thaum lub caij ntuj kub uas yog thaum hnub tim 30 lub 8 hli txog hnub 2 lub 9 hlis. Ib xyoos twg muaj ib zaug ib zaug twg muaj 3 hnub. Xyoo no yuav muaj tshwm rau tsis ntev tom nrej lawm. Luag tej nom tej tswv tias yuav ua kom lom zem heev.

Hluas nkauj hluas nraug Hmoob kwv kaus caij nees

Khw kev hlub thaum ub tsuag yog ib lub caij sib ntsib xwb, ib xyoos ob peb lub zos peb cov Hmoob tuaj sib ntsib ib zaug xwb, tiamsis los txog niaj hnub no tej nom tej tswv pom tias qhov no yog peb Hmoob ib qho Vaj Huam vim li no tej nom tej tswv tau pab nchuav nyiaj txiag pab kom muaj kev lom zem thiab loj hlob dua no. Thaum ub yog ob peb lub zos xwb tiamsis niaj hub no yog ntau lub xeev tuaj sib koom ua ke lawm.

Ib khub hluas nkauj hluas nraug tuaj sib ntsib

Taug kev tuaj sib tw

Xyoo no peb cov Hmoob nyob ntau lub xeev sab qaum teb hnub poob Vietnam yuav tuaj koom lub koob tsheej khw kev hlub xyoo no. Xyoo no lawv yuav ua lom zem tshaj txhua xyoo no.

Cov menyuam Hmoob dhia ua si nyob ib ncig cov zos thaum lub caij lom zem

Nyob li xyoo 2015 tus  Phab Ej Koos Loos thiab Yus Lias kuj tuaj sab Laos tuaj mus koom thiab Hmoob sawvdaws caum nkawd kawg vim tau ntsib cov neeg hauv movie uas lawv ib txwm saib. Txog nim no lawv twb npaj lawm yuav pib rau thaum 30/8/2016 - 2/9/2016. Xyoo no lawv tias yuav ua lom zem heev no.

Xyoo tag los Koos Loos mus koom Hmoob nyob Moc Chau, Son La, Vietnam

BA BE - CAO BANG 4 HNUB 3 HMOS

Hnub 1: Hanoi – Ba Be (noj sus noj hmo)

Dej tsaws tsag Ban Gioc luc caij ntu so

Sawv ntxov 7 teev sawv kev nce tsheb ntawm Hanoi mus rau Ba Be, mus txog lub nroog Thai Nguyen so ib pliag thiab mus ntxiv txog chaw tav li 1 teev hnub qaij, mus muab chaw pw ntawm Homestay thiab noj sus, noj sus tag mus caij nkoj taug lub pas dej 3 ceg. Mus caij nkoj txog 5 teev los rau ntawm chaw pw. Sawvdaws mus da dej thiab so ib pliag los noj hmo thaum 6 teev 30.

Hnub 2: Ba Be – Cao Bang (noj tshai, noj sus thiab noj hmo)

Lub pas dej 3 ceg (Ba Be Leka)

Noj tshais thaum 7 teev thiab sawv kev thaum 8 teev mus rau Cao Bang. Mus noj sus pem ntug nroog Cao Bang. Noj sus tag mus saib lub qhov tsua Pac Bo thiab tus dej Le Nin uas yog lub qhov tsua thaum Ho Chi Minh nyuam qhuav los rau Vietnam nws los nyob thiab tus dej uas nws siv thiab tis npe rau. Lub chaw no yog ib chaw tseem ceeb nyob rau hauv neeg Vietnam cov keeb kwm. Saib tag ces nce tsheb los rau tom lub nroog Cao Bang thiab los rau tom Hotel. Txog tod li 5 teev tsaus ntuj. Sawvdaws da dej tag los noj hmo thaum 7 teev.

Hnub 3: Cao Bang (noj tshais, noj sus thiab noj hmo)

Lub qhov tsua Ho Chi Minh nyob xyoo 1941-1942

Noj tshais thaum 7 teev thiab sawv kev thaum 8 teev mus saib lub qhov tsua Nguom Ngao, saib qhov tsua tag tav su thiab los noj sus ntawm Trung Khanh, Noj sus tag mus saib tus dej tsaws tsag Ban Gioc. Mus ua si saib dej tsaws tsag Ban Gioc tag ces rov los rau tom Hotel. Los txog tod li thaum 5 teev tsaus ntuj. Los so da dej thiab noj hmo thaum 7 teev.

Hnub 4: Cao Bang – Hanoi (noj tshais thiab noj sus)

Tus dej Le-Nin

Thaum 7 teev 30 noj tshais thiab 9 teev sawvkev rov los rau Hanoi. Los noj sus ntawm lub nroog Bac Kan. Thaum noj sus tag rau Hanoi. Los txog Hanoi tav li 5teev 30. Xa sawvdaws rau ntawm chaw so thiab xaus.

Tus nqi yog: $359,00

Yog leej twg xav pw cov hotel kom zoo tshaj ces xaiv tau, tiamsis yuav tau ntxiv nyiaj rau yog tias lub hotel kim dua. Xav xaiv nkoj los los ib yam. Tus nqi no yog rau ib pab 6 lee, yog coob tshaj no ces yuav pheej yig tshaj, yog tsawg dua yuav tau kim zog, los yog nrog lwm pab no yuav pheej yig zog.

Yam muaj koom nrog:

-       Muaj ib hnub 3 pluag noj: Noj ntawm tej chaw huv siab thiab zoo.

-       Muaj lub tsheb thauj neeg zoo tos thiab xa los txog chaw.

-       Muaj chaw pw zoo thiab huv si.

-       Muaj tus coj nrog txhua qhov mus ncig.

-       Muaj pib nkag qhov rooj tebchaw ua si.

-       Muaj pib tsheb ciav hlau Hanoi – Lao Cai, Lao Cai - Hanoi.

-       Muaj pib caij pob tawb mus pem roob.

Tej yam tsis muaj koom nrog:

-       Tsis muaj tej yam haus, xws li beer, cawv los yog lwm yam dej.

-       Tsis muaj xov tooj los yog tham xov tooj.

-       Tsis muaj pab ntxhua khaub ncaws.

-       Tsuag muaj ob leeg pw ib chav pw, yog ib leeg yuav tau them ntxiv.