Hmong Vietnam New Year 2015

Hmoob Vietnam tsa hauv toj

Nyob rau lub xyoo 2015 no peb Hmoob nyob tebchaws Vietnam yuav noj 30 rau thaum lub 2 hlis 18-25 xyoo no. Tej yam yuav muaj rau lub 30 xyoo no mas yog: Tsa Hauv Toj, Ntaus Tuj Lub, Ntaus Ntiv, Pov Pob, Ncaws Pob thiab txhua yam uas yog Hmoob tej txuj ci.

Hmoob lub hauv toj (duab piv txog)

Tshwj xeeb yog xyoo no peb Hmoob yuav tau tuaj koom ntuav Hmoob tej txuj ci rau neeg ntiajteb tau saib nyob rau hauv lub nroog Hanoi. Xyooj no nyob rau lub 30 no lub chaw Vietnam Museum of Ethnography (lub tsev rau tej qub txeeg qub teg ntawm 54 haiv neeg nyob Nyablaj teb) tau caw peb cov Hmoob tuaj koom nrog ob peb haiv neeg tuaj nthuav Hmoob tej txuj ci rau neeg sawvdaws tau saib.

Thaij chaw yuav mus tsa lub hauv toj xyoo no hauv Vietnam Museum of Ethnography (duab piv txwv)

Tus Tsav Xwm sawv cev ntawm peb cov Hmoob thiab coj peb cov Hmoob tuaj yog Haim xeem Yaj nyob rau Xeeb Muas Kiab, Lao Cai, Vietnam. Nws ua hauj lwm rau hauv lub xeev Lao Cai thiab yog tus saib mus rau sab kev Vaj Huam. Vim li no luag caw txog peb cov Hmoob thiab nws thiaj yog tus sawv cev thiab tawm tswv yim nrog rau kev npaj txhua yam es coj nws pab neeg tuaj mus nrog lawv sib tw. Qhov tseem ceeb yog tuaj nthuav Hmoob tej txuj ci rau neeg ntiajteb tau saib. 

Haim Yaj thiab nws tus poj niam

Haim Yaj yog ib tug hluas thiab yog tus Nom uas muaj siab hlub tshua txog peb haiv Hmoob, tshwj xeeb nws yog ib tug nyiam pab Hmoob thiab tuav peb Hmoob tej txuj ci tseg. Yog ib tug nyiam txhawb rau peb Hmoob tej Vaj Huam mus kom raug li Nom Tswv tebchaws tej kev cai. Nws yog ib tug ua kub siab heev.

Hmoob dhia qeej

Yam loj ua xyoo no Haim Yaj yuav coj tuaj nthuav rau neeg ntiajteb saib xyoo no mas yog peb Hmoob lub hauv toj. Xyoo no nws yuav coj kiag Hmoob lub hauv toj tuaj tsa kiag rau hauv Vietnam Museum of Ethnography. Lub hauv toj no yuav muaj; dhia qeej, hais kwv txhiaj, hu nkauj, dhia cwj txiag, tshuab raj, pov pob, ntaus ntiv, ntaus tuj lub, ua kub thab, muag dej caw Hmoob thiab yuav coj txhua yam txuj ci uas yog Hmoob teej Hmoob tug tuaj nthuav rau neeg ntiajteb tau saib. Qhov no kuj yog ib kauj ruam ntawm peb cov Hmoob tau mus qhia rau tebchaws saib. Lub hauv toj no yuav muaj cov Nom tswv loj tuaj mus koom coob heev. Lub chaw yuav ua yog ntawm txoj kev: Nguyễn Văn Huyên, Nghĩa Đô, Cầu Giấy, Hà Nội, Việt Nam

Hmoob Pov Pob (duab piv txog)

Cov ntxhais Hmoob ua phiaj yeeg

Hmoob Vietnam Kev Ua Neej

Hmoob Muong Khuong, Laocai, noj 30

H’mong people are an important member in the community of ethnic minorities in Vietnam with about one million people, ranked 8th among 54 Vietnamese ethnics. They often occupy the upland areas, from 800-1500m above the sea level, mostly in the Northwest and a few in the central highland of Vietnam. You can easily spot them in Ha Giang, Lao Cai, Sa Pa, Lai Chau, Son La and several other provinces.

Hmoob Laocai

Hmoob Puam Huav

Cawv puam huav

Their language family is Hmon-Mien, yet the language is a non-written one. Hmong people have a very extraordinary culture that is still vividly seen today. The best time to visit the Hmong is during the Lunar New Year in late January or early February - when they would celebrate the 3-day Tet festival. During the festival, they often cheerfully blow “khèn” (their special woodwind instrument), play swings and other traditional games and sing in the large yard around the village.

Hmoob Yen Bai

Ib txhia paj ntau Hmoob

Hmoob Sapa

“Cướp vợ” (Stealing Wife) is another special H’mong’s custom: when a man loves a woman, he must ‘steal’ her in the darkest night and imprison her without food for 2-3 days; if the woman accepts to marry him, he will come to her family to ask for her parents’ permission.    

H’mong people believe that they have a common ancestor so they greatly value unity in their community. Several families gather into a cluster and has a leader responsible for common works. As for costumes, H’mong people usually wear their self-woven clothes made by linen, decorated with unique technique to express their strong ethnic characteristics. They drink corn, rice wine, smoking cigarettes using plow. Meanwhile, if you are a guest who is invited a self-loaded plow by a H’mong, you should take it as a friendly fondness.

PEB HMOOB LUB TSIAB 30

Hmoob lub hauv toj

Peb Hmoob ib tiam dhau ib tiam los lub tsiab 30 yeej tseem ceeb heev rau peb haiv Hmoob. Lub tsiab 30 yog ib lub sijhawm uas peb khwv khwv ib xyoos puag ncig es peb tseg tau ib lub caij los so, los sib ncig. Lub tsiab 30 tsis hais cov laus los yog cov hluas yeej npaj siab tos rawv lub paj tsiab 30 yuav npaj ves khaub ncaws tshiab mus nrog luag nqaum paj nqaum nruas, mus nrhiav khub rau yus, mus ntsib tej qub phoojywg.

Hmoob lub hauv toj

Dhau los ntau tiam los txog tiam nim ho muab saib tsis tseem ceeb luaj twg lawm thiab. Txawm li ntawd los peb tseem muaj lub tsiab 30 rau ib tsoom Hmoob tuaj mus nqaum paj nqaum nruas rau thaum noj 30. Sawvdaws yeej tos ntsoov txog peb lub 30 uas noj sib pub haus sib ce.

Nim no peb cov Hmoob khiav mus thoob qab ntuj ib cov nyob lawm ib sab ntuj nyias noj nyias lub tsiab 30 raws li nyias qhov lawm. Vim dabtsi ua rau peb Hmoob zoo li no lawm? Yog xav paub txog qhov no peb yuav tsum rov mus saib me ntsis keeb kwm ntawm peb Hmoob lub tsiab 30.

Hmoob lub hauv toj

Raws li cov laus hais keeb kwm tseg ces thaum peb nyob rau Suav teb peb Hmoob poob teb poob chaw ces peb Hmoob thiaj khiav tawg los mus rau dej liab los taug tus dej liab los los thiaj los ntsib tus dej ntsuab los sib tshuam ua ke. Thaum li no thiaj muab xav tias yog taug tus dej ntsuab rov qab ces yuav rov lawm peb Suav, yuav rov mus ntsib Suav cov uas twb muab peb caum tua, yog li no thiaj txiav txim siab tias cia hla lauj no es thiaj hla ntawm dej liab dej ntsuab sib tshuam no los rau sab Nyablaj teb uas nim no yog nyob kiag ntawm lub nroog Lao Cai uas yog Nyablaj qaum teb thiab lub nroog Huj Khawv uas yog Suav lub nroog qab teb ntawd.

Thaum uas peb Hmoob los mus dhau ntawd ces cov laus ib txhia thiaj tuag tas rau tus dej no. Thaum no nyias thiaj mus nyias ces ib txhia thiaj mus rau sab Nyablaj teb ces nyob txog niaj hnub ni no hos ib txhia thiaj hla toj tuag tshaib dawm tuag no mus rau Moos Theeb , Moos  Laim thiaj hla mus rau sab Laos. Cov uas khiav mus rau Moos Theeb, Moos Laim ces yog khiav mus rau Puab Yib teb no ces Puab Yib lub tsiab 30 tsis thooj li peb Hmoob lub lawm. Thaum muab los sib tham ces thiaj hais tias aub yog l ices sau qoob tag los ces muaj lub tsiab 30 noj es dhau thiaj zoo mus ua qoob thiaj tsis tab kaum sijhawm thiaj li caum cuag luag. Txij ntawd ces peb cov Hmoob uas khiav dhau sab ntawd thiab mus noj tsiab 30 dua ib lub caij lawm. Los txog niaj hnub nim no los peb cov Hmoob uas khiav ib txhij ntawd mus es mus nyob Moos Theeb , Moos Laim, Yen Bai thiab Son La tseem noj tsiab 30 nrog rau peb cov Hmoob nyob Laos ib lub caij tsuag cov mus tshiab tom qab no thiaj txawv xwb. Peb cov Hmoob uas khiav mus rau Thaib mus rau Mekas thiab Fab Kis los yog lwm lub tebchaws ces ib txhia nyias mus noj nyias sib txawv tag lawm. Txawm li ntawd los peb Hmoob tseem nco ntsoov txog peb lub Paj Tsiab 30.

Hmoob lub hauv toj

Tshuav cov Hmoob uas tseem nyob rau sab uas tsis tau khiav mus dhau toj tuag tshaib dawm tuag no tseem noj lub tsiab 30 ib yam li peb Hmoob cov laus ib txwm noj uas yog noj tom qab 2 lub hlis. Raws li cov laus hais tseg mas peb Hmoob ib txwm nyob Suav teb los ces peb noj tsiab 30 raws li cov Hmoob uas tsam no tseem nyob sab Nyablaj qaum teb.