Ncig Ua Si Rau Meo Vac, Ha Giang

Lub nroog Meo Vac saib saum siab tuaj

Nyob rau lub tebchaws hu uas Meo Vac nyob rau qaum teb ntawm tebchaws Vietnam thiab npuab rau ciam teb Suav thiab Nyablaj nrug deb ntawm Hanoi mus 500km. Ntiav tsheb yuav tau mus ib hnub ib tav su thiaj txog. Yuav mus ncig kom txhua tej no yuav tau mus li 5-10 hnub thiaj xyuas tas tejchaw no. Nyob thaj tsam no feem coob yog peb cov Hmoob nyob xwb. Hmoob nyob coob heev. Lub tebchaws no peb Hmoob ib txwm khiav tom Suav los txog thaj chaw no ces sawv daws cia li nyob rau ntawm no.

Peb Hmoob ua lub neej nrog ej teb qhov zeb xwb

Rooj teb no mas toj roob zeb li toj roob zeb xwb. Nyob rooj teb khwv noj khwv haus yog cog pob kws rau saum tej teb qhov zeb xwb. Tebchaws no hais txog kev khwv qoob khw loo noj tsis yog yam yooj yim kiag li. Ncig mus txog rooj teb no zoo nkauj tau kho siab kawg li. Ntxim nuam yaj kawg li yog rau ib tus neeg dua kev. Tiamsis rau ib tus pej xeem nyob tebchaws no mas nyob tau tu siab thiab kho siab kawg li rau qhov nyob txom nyem heev. Kev khwv noj los nyuaj, dej haus los tsis muaj es nyob tiam dhau tiam thiab xwb.

Ob sab ntug kev cov tsev no feem coob yog Hmoob

Ib ncig yog roob pob zeb pob tsuas ces muaj kiag ib lub zeeg tiaj nyob hauv hav thiav lub nroog Meo Vac nyob kiag rau hauv.  Hauv no kuj muaj Hotel zoo kawg thiab, tiamsis tsis muaj ntau. Muaj qee lub xwb, dhau li ntawd ces muaj Guest Hous. Yog lub caij uas muaj neeg coob mas twb nrhiav tsis tau chaw pw. Hauv lub nroog no lawm yav pem taw roob muaj peb cov Hmoob nyob coob kawg li thiab. Nyob kiag hauv nroog no. Thaum ub Dr. Yang Dao kuj nyob lub tebchaws no mus. Nce lawm pem ntav toj muaj ib lub chaw xyuam yaj ntsia tuaj hauv nroog zoo nkauj kawg li.

Tuaj saum chaw nuam yaj thaij duab mus rau hauv nroog

Cov Hmoob uas nyob ib hauv nroog no

Hauv Meo Vac muaj khw, muaj chaw noj mov zoo kawg li thiab. Yuav tawm hauv lub nroog Meo Vac no mas yuav tau hla roob xwb. Txawm koj yuav nce mus los yog koj yuav nqis los rau chaw nqis rau qhov nws ua ib lub zeeg tiaj thiab hauv ib lub vuam hav. Yog muaj hmoo txog rau nyablaj teb mas yuav tau mus saib tej no thiaj tsim nyog. Yog yuav mus saib peb Hmoob lub neej mas yuav tau mus rau rooj teb no thiab yog ib qhoiv chaw ua tsim nyog mus.

Saum roob xyuam yaj saib mus rau Hmoob tej teb thiab txoj kev mus rau lub khw kev hlub Khau Vai uas ib xyoos muaj ib zaug uas ib txwm nrov nrov.

Peb Hmong Tours muaj coj neeg mus rau tebchaws no txhua txhua hli. Leej twg xav mus ncig tebchaws no ces hu los yog contract rau peb ntawm HmongTours.Net.

KHW HMOOB TOOJ PEEB, HA GIANG

Ntawm ncauj ke

Lub khw Tooj Peeb (lus nyab laj hu Đồng Văn) nyob rau lub xeev Huj Yaj (Hà Giang) npuab nkaus rau ciam teb Suav. Tebchaws no peb cov Hmoob nyob coob heev. Muab hais ib tsoom neeg nyob ib ncig tej no ces yog Hmoob li Hmoob xwb, muaj ib txhia Suav xwb. Thaum ub Hmoob khiav Suav teb los ces los txog tej no lawv los nyob npuab tus ciam teb no xwb.

Chaw muag nyuam npua

Nyias coj nyias li menyuam npua tuaj muag tom khw

Cab nyuj tuaj muag tom khw

Lub khw no ib lim tiam no muaj ib zaug thiab lawv qhib rau hnub Sunday (vas thiv). Lub khw no muaj peb Hmoob kuj muag ntau yam khoom xws li; khaub ncaws, paj ntaub, npua, nyuj, nees, nqaij npuas, me nyuam aub, noog, qaib, ncuav pob kws, ncuav nplej thiab hlau txuas tej tseem muaj ntxiv khau thiab khaub ncaws tej tib sib thiab. 

Txiv neej Hmoob ntxiv Khaub Ncaws tom khw

Tshwj xeeb tshaj plaws feem coob yog Hmoob xwb. Lwm hais neeg tsuag tuaj muag khoom xwb. Mus ncig lub khw no thiaj pom thiab Hmoob tiag tiag thiab Hmoob lub neej thaum ub tiag tiag. Lom zem tshaj plaws yog lawv muag cawv thiab lawv tuaj haus cawv, tsis hais poj niam los txiv neej lawv tuaj haus cawv xauv npo xwb. Cov cawv yog Hmoob cub thiab yog Hmoob coj tuaj muag, lawv siv ntim los haus thiab haus cawv qhuav xwb. Haus cawv yog tus txiv qaug cawv pw tom kev lawm los tus niam yuav tau tos tus txiv xeev cawv ces mam mus thiab txawm yog tus niam qaug los tus txiv kuj yuav zaum tos ib yam thiab.

Muag kawm

Laab fawm

Khaub Ncaws

Yog peb ib tsoom Hmoob thoob ntuj leej twg tuaj txog tebchaws Vietnam nej yuav tau nrhiav kev mus saib lub khw Hmoob no nawb. Nyob ze ciam teb Suav heev. Hauv lub moos no muaj Hotel thiab kuj yog ib lub chaw rau cov neeg mus travel thiab. Mus tebchaws no saib tej liaj tej teb thiab toj roob zeb mus sawv lawm saum roob saib rau hauv moos mas zoo nkauj tau kho siab zim xwb.

Muag cawv Hmoob

Chaw muag khaub ncaws Hmoob

Haus Cawv

HA GIANG NYAB LAJ QAUM TEB

Lub moos Dong Van (Tooj Peeb)

Nyob rau lub tebchaws Ha Giang (Huj Yaj) yog ib lub xeev nyob rau Vietnam qaum teb. Lub tebchaws no yog ib lub tebhcaws toj siab kawg li.  Thaum uas peb Hmoob khiav Suav teb los txog no ces sawvdaws cia li nyob ib ncig saum tej nqaj roob no los khwv noj khwv haus rau roob teb no nyob los txog niaj hnub nim no lawm. Tebchaws no thaum ub Hmoob kuj vam meej thiab kuj muaj ib tus Vajntxwv Hmoob uas hu Vaj Zoov Looj nyob rau lub xeev no lawm yav qaum teb thiab. Lub xeev no kuj dav, yav qaum teb yog Hmoob kav. Lub xeev no yog ib lub ntawm  3 lub xeev uas muaj Hmoob coob tshaj nyob Nyablaj teb. 

Tej teb roob zeb

  Peb cov Hmoob nyob tebchaws no nyob coob heev, tiamsis tu siab uas peb cov Hmoob nyob tebchaws no feem coob txom nyem heev vim tsis muaj liaj teb ua no. Lawv ua teb rau puag pem toj roob siab thiab pob zeb li pob zeb xwb. Tebchaws no  ib txhia tseem yuav ev av mus rau saum tej qhov zeb es cog tsob pob kws rau. Tebchaws no tsis muaj dej haus li. Txoj nyem dej haus heev. Tseem hwv mus muab Ximaas luam ib cov pas rau ces thaum nag los hlob dej los puv cov pas no ces cov pej xeem ib ncig tuaj nqa mus haus xwb. Luag tseem hais tias  cov nyob deb ces tuaj nqa mus haus hos cov nyob ze ib txhia tseem mus da. Cov laus nyob tebchaws no hais tias "peb muaj dej haus ces yog nplua nuj lawm". 

Hmoob tab tom ua teb

Mus txog tebchaws no saib mas kuj pab tus siab kawg li saib peb tsoom Hmoob lub neej. Tsis muaj dej haus, tsis muaj liaj teb ua. Lawv mus ntaus zog lawm puag tom suav, tau nyiaj Suav los ces ib lim tiam mus tom khw mam mus pauv nyiaj tom khw xwb. Koj mus tom khw koj yuav pom muaj ib co neeg pauv nyiaj tom khw xwb. 

Coj me nyuam npua mus muag

Dhau li ntawd tebchaws no kev khwv nyiaj ces yog xaws me ntsis khaub ncaws los yog yug tsiaj txhu thiab qoob loos coj mus muag xwb. Ib lim tiam no qhib khw ces mam coj qaib coj npua nrog rau twm thiab nyuj nees tuaj muag tom khw xwb, yog tsis li ntawd ces lawv tsis pom qab yuav mus nrhiav nyiaj los siv. Ib txhia ces thawm niaj thawm xyoo noj mov kuam xwb (mov pob kws). Ib txhia txiv neej lawv tseem tuaj ntxiv khau ntxiv khaub ncaws toj khw kom tau me ntsis nyiaj mus pab lub cuab lub yig. Muaj saib mas pab tu siab rau peb Hmoob kawg li. Yog leej twg tuaj ncig txog tebchaws Vietnam txhob Hnov qab mus saib peb cov Hmoob tebchaws no os mog.

Tsev Hmoob

Vaj Loog Huab Tai Hmoob

Hmoob Nyablaj Qaum Teb

Photo: Istvan KadarTraditional way of life: The Rice Harvest

In Vietnam, the Hmong people are one of the largest ethnic minorities (around 900,000 people). They are principally concentrated in the mountainous north of the country and usually live at high altitudes. Different ethnic categories co-exist and can easily be identified by the way they dress and their traditions.

The Black Hmongs are best known for their handicraft and their traditional indigo blue dress. Flower Hmongs, on the other hand, wear colorful clothes, and it is not difficult to find them during market days.

Colourful Flower Hmong

Photo: Rudi Roels

Nowadays, Hmong hotspots such as Sapa are becoming large tourist attractions. On market days, the town is completely crowded with Western people looking for handicraft works, the exotic and all things genuine – although Sapa remains completely empty during the week. A new form of income has appeared which is transforming the Hmong people’s way of life and ancestral traditions little by little.

Black Hmongs at Sapa Market (North Vietnam)

Photo: Juliette Lacharnay

Known in China as Miao, which is a term to define all the different ethnic minorities, Hmong people mainly come from southern China. They had to flee from there during the Ming and Qing dynasties, after they rebelled against Chinese imperialism 300 hundred years ago. They eventually found asylum in Thailand, Laos and Vietnam. The Hmong history remains difficult to trace because their tradition is an oral one, but they are still identified as Hmong, thanks to their language, traditions and way of life, which they have succeeded in preserving.

Hmong Patchworks: The traditional handicraft

Photo: Juliette lacharnay

Even if some Hmong people have traded their traditional clothes to get Western attire, they definitely understood that opportunities for a new market economy were offered to them. In Sapa, the market is crowded every weekend with Western tourists surrounding themselves with as many traditional Hmong people as possible! Silver jewellery and handicraft works are a great success among the tourists. For the Hmong this is also a way to promote their culture and discover their traditions. However, tourism has had a strong impact on their culture and does disrupt their traditions.

Big changes in the familial Hmong structure

Photo: Juliette

Traditionally, the man and husband’s duties consist in looking after the entire family, taking the main decisions and responsibilities concerning the safety and welfare of the family. As far as they are concerned, women have to play the perfect housewives, taking care of their children and preparing and cooking meals. The handicraft work, like making handmade traditional clothes, is also a part of their job. However, important changes in this traditional structure have been observed recently, mainly since the intrusion of tourists in North Vietnam. Being the money provider had always been the husband’s role. This is not always the case anymore. At Sapa market, which is the biggest Hmong hotspot in North Vietnam, the place is crowded with dozens of Flower Hmong women selling their jewellery and patchworks with which to trap Western tourists. The scene is, in fact, quite funny.

Archaic Paradise: Neither water access nor electricity

Photo: Juliette Lacharnay

Thanks to this new form of income, Hmong people have been diversifying their traditional way of life. For ages, Hmong people subsisted with their harvests, mainly thanks to the culture of rice. Along the road, tourists can see small wood houses surrounded by fields for terrace cultivation. Here, there is no electricity or water access either; everything is archaic and simple. From their buses, some tourists might think that these landscapes are the exact definition of paradise. The place is wonderful and quiet, surrounded by Vietnamese mountains, lost between the fields. It is indeed truly awesome.

Tourists hosted by a Hmong Family

Photo: Juliette Lacharnay

What follows is a prime the example of one location representing two different realities according to who is looking at it. A small group of tourists has been

invited to spend the afternoon in a Hmong house as described above. A pig was

sacrificed for them. The tourists are mainly chatting with the Hmong woman, who

explains how things have changed for them. She had to learn English to sell her

products at the Sapa market, but the situation is still difficult. Her husband,

who was the head of the family, now has a minor role. He started drinking a few

years ago and now she has to provide for the entire family by herself. This is an example of how difficult life has sometimes become for them. It also reflects how brutal the social changes have been in a short period of time.

Photo: Juliette Lacharnay

Hmong people have always been known to be good at adapting while preserving their way of life, but the Western intrusion has created new needs and new habits. Vietnam, which is still a communist country, opened its door to tourism a while ago, and even if North Vietnam remains quite traditional in comparison with the south, times are definitely changing faster than the time it takes to realise it.

Khw Kev Hlub Nyob Nyablaj (Love Market In Vietnam)

Piv txog

Sapa yog ib lub chaw uas txhua haiv neeg nyob qab ntuj khwb paub txog. Sapa yob ib lub chaw uas cov neeg txawv tebchaws thiab hauv lub tebchaws Vietnam los xav mus saib tas li. Nyob rau hauv lub nroog Sapa muaj lub khw kev hlub nyob rau lub hauv nroog Sapa, Vietnam qaum teb kuj yog ib lub uas sawvdaws paub txog coob heev. Lub khw no nws muaj ob zaug. Lub khw no tsis yog rau cov Hmoob xwb, tseem yog rau cov Co tibsi thiab. Lub khwv no ib lub lim tiam no muaj ib zaug xwb. Lub khw no nyob kiag hauv lub nroog Sapa lub xeev Lao Cai ntawm Vietnam qaum teb.

Nkauj nraug

Lub khw no ib lub li tiam muaj rau hmo Satuday thiab Sunday. Hmo Satuday yog rau cov Hmoob tuaj. Hos hmo Sunday yog cov co. Khw kev hlub no tsis yog tuaj muag khoom nkaus xwb. Muag khoom nws yog ib qho me me xwb, tseem ceeb yog cov hluas tub hluas ntxhais tuaj nrhiav khub los yog tuaj sib ntsib rau hmo no.

Tawg qeej thiab dhia kaus

Cov tub uas txawj txawj tshuab qeej ces lawv tuaj tawg qeej rau cov ntxhais saib, cov ntxhais uas txawj txawj dhia kaus lawv tuaj dhia kaus rau cov tub thiab sawvdaws saib. Thaum lawv dhia dhia li no ib chim ces cov tub los tawg qeej ces cov ntxhais txawm los dhia kaus caum qab. Lawv tuaj tuaj dhia li no ntau zaug lawv sib ncawg lawm ces lawv sib tham ces ua tus hlub. Ib txhia lawv twb muaj lawm los lawv tseem tuaj, vim lawv yuav teem tuaj mus ntsib lawv me nplooj siab tus neeg uas lawv nco nco. Qhov no yog ib qho uas peb cov tub ntxhais hluas Hmoob nyiam tuaj rau Hmo no heev.

Nyob li ntawm cov Co los ib yam. Lawv mas lawv ho tsis tawg qeej, tiamsis lawv tuaj sib lwv hu nkauj. Qhov ntsiab lus kuj yog tuaj nrhiav khub ib yam nkaus. Lawv kuj sib teem ib yam Hmoob thiab. 

Cov Co

Yog koj tuaj mus ncig rau tebchaws no koj txhob Hnov qab mus ncaj rau ob hmos no. Koj yuav pom neej deb neeg ze, tej neeg txawv tebchaws uas tuaj ncig rau Sapa sawvdaws sawv puag ncig peb cov hluas tub hluas ntxhais Hmoob no. Hmo no kuj yog ib hmo uas lom zem rau sawvdaws kawg thiab, yog koj tseem tsis tau muaj tus xav nrhiav tus mas yog ib qhov chaw zoo rau koj ib yam.

Sib dhia

NYABLAJ NTAUS TUS HMOOB TSAV TSHEB

Nroog Hanoi

Ntawm no yog ib qho xov xwm ntawm ib tus kwv tij Hmoob uas tuaj hauv Facebook nws lub npe huav Facebook hu tias “Jacky DY” nws sau rau kuv hnub tim 15/7/2013. Nws hais txog  lawv lub campany xa ib co neeg tuaj mus ncig nyob rau peb tebchaws Vietnam, thiab muaj teem rau lawv cov neeg. Nram qab no yog lawv cov lus uas lawv tau tham qhia kuv. Kuv muab nws cov lus tham tso kiag nram qab no rau nej tau pom os mog.

09:46

Jacky DY

Nyob zoo tus kwv tij pov xyooj, kuv xav nug koj tias peb muaj ib lub tsheb ua yog tuaj hau peb lub travel company tuaj rau nyab laj teb ua yam raug cai lij choj, hau lub tseb ntawv thauj ib cov neeg txawv teb chaws ua yog cov neeg tawv dawb, thaum lawv tuaj txog rau sab nyab laj teb ntawm koj, muaj ib cov neeg phem yuav yog cov neeg nyab laj, tau muab lub tsheb ntawv tos kev ntaus, ua rau tus tsav tsheb raug mob nyhav, nyob rau hau lub tsheb ntawv kuj muaj ib tus guide coj kev xws li yog tus nyab laj thiab, hais kom tus guide ntaw hu rau tub ceev xwm tab sis nws hu xwb tsis paub tias nws hais li cas li yog los tsis yog, tab sis kuj tsis muaj tub ceev xwm tuaj li, qho no koj paum tau li cas xav tau information los mam li muab tuaj rau nej saib, cas cov neeg nyab laj no yuav phem ua luaj, koj paub li cas no sim qhia seb tus kwv tij.

Duab Piv Txog

·  Thứ Hai

22:13

Pao Xiong

Yog lawm os. Nyablaj lub siab yeej zoo li ntawd. Tsis yog Nyablaj ua rau nej xwb, nyablaj ua rau nyablaj ib yam os lov. Es yuav tau ceev faj xwb os. Tiamsis yog nej muaj neeg tos nej tom no mas yuav tsis ua cas os lov. Thaum ntawd yog lam tau nej hu rau peb thiab, tiamsis tsis tsis sib paub thiab ne yom? Qhov tseem ceeb Nyablaj yeej tsis tshuam ncaj os mog. Yuav tau ceev faj xwb os lov.

·  Thứ Ba

09:47

Jacky DY

kuv nkag siab, tab sis koj nyob rau sab koj ne peb puas muaj ib lub fws twg ua yuav hais tau lawv los kho peb tej xwm txheej tshwm sim mas koj hais na

·  Thứ Tư

·  17:54

Pao Xiong

Nej cov teeb meem ko tshwm sim qhov twg, thiab vim li cas thiaj tshwm sim? Nim no lawv hais li cas lawm mas lov?

·  Thứ Năm

·  10:16

Jacky DY

Zoo siab rau koj sob lus nug, cia kuv mam li nug tus tub tsav tsheb seb yog thaj tsam qhov chaw twg tiag, kuj tsis paub tab sis rau li tus tub tsav tsheb hais mas, tuaj thaum yuav txog rau hau nroog ces cia li muaj ib lub tshe motobike khiav los tav hauv ntej xwb, nws tsis luam tab sis nws nyem kes rau ces cia li ntes thaiv kiag hauv ntej tham xov tooj, ib pliag xwb ces nyab laj tuaj coob heev li kwv yees ntawm 20-30 leej, cia li tuaj ua heev rau, nws lod kuj tsis paub lus nyab laj, ces lawv cia li kom nws nqis los sib tham, nws hais rau tus guide Vietnam tias kom hu tub ceev xwm tuaj los tsis hu, ces cia li rub nws mus ntau xwb, raug sab kawg, thaum ntaus tas, ces cia li khiav tas lawm xwb, tsis tas li ntawv peb los kuj tau ceeb toom rau Lao Embassydor nyob rau nyaj laj thaib nyab laj li Embassydor nyob Lao. ces Vietname Embassy kom peb sau ntawv mus rau lawv, tam sim no sau mus rau, peb tsis paub ntawv nyab laj ces lawv kuj tsis kam txais hais cov lus, thiab tej zaum tseem yuav tau com mus txhais ua lus nyablaj nawb, kuv mam li ho muab rau koj tom qab seb yog tshwm sim nyob rau lub nroog twg, zos twg, thaj chaw twg nawb

·  Thứ Năm

17:24

Pao Xiong

Ua li os. Muaj dabtsi hais kom meeej mas lov. Kuv ntshai tsam tus guide ntawd nrog lawv koom tes xwb os. Vam tias yuav tsis muaj li ntawd os.

Saum ntej no yog cov teeb meem thiab cov lus uas nws thiab kuv siab tham tsis tau kho li. Vim li no sawvdaws yuav tau ua zoo ceev faj os mog. Yuav tau ua zoo saib thiab.

Tswvyim Yuav Tour Ncig Vietnam Pheejyig

Cat Ba Island

     Nyob rau nim no kev mus ncig tebchaws Vietnam muaj ntau hom nqi heev. Piv li kev mus saib Halong Bay. Mus Halong Bay mas nws muaj ntau tus nqi heev. Piv li tias koj tuaj txog tebchaws no koj mam li yuav mas yog koj mus ntsib tau tej qhov uas muag pheejyig ces koj tau pheej yig, yog koj mus tau tej qhov kim ces koj tau tus nqi ki. Qee zaug kim thiab pheej yig los luag yeej coj koj mus ib lub nkoj thiab, piv li tias yog koj mus ncaj tej lub sijhawm ua lubchaw ntawd lawv tab tom yuav xa kom ntau npaum ko tus neeg mus rau lub nkoj ntawd li uas tau cog lus tseg lawm no mas txawm lawv muag pheej yig txog qhov tsis tau paj ntsig los lawv yuav muag, tej txhia lawv tseem ntxiv nyiaj rau thiab.

Tejchaws Muag pib

   Yog xav tau nqi pheej yig mas mus yuav saum Online pheej yig tshaj, yog yuav saum Online mas lawv ua tus nqi pheej yig tshaj. Tiamsis ib qho uas yuav tau ceev faj mas yog koj yuav saum online tej txhia yog thaum koj tuaj txog mas lawv kheev kom yus ntxiv ub ntxiv no. Txhais tau tias nws ho yuav kom yus ntxiv nyiaj qhov ub qhov no. Hos yog xav yuav pheej yig mas thaum koj nyob koj tebchaws koj twb yuav ua ntej saum online mas zoo tshaj, nws pheejyij tshaj.

     Nyob rau Vietnam mas txhua yam li, Hotel, Tour, thiab kev noj haus tej mas thaum koj txog chaw thiab Online mas thaum twg Onllne yeej pheej yig dua li uas koj mus kiag ntawm chaw yuav. Vim cov neeg Vietnam lawv tab tom siv zog rau sab kev muag Online.

Muab sib piv:

Yam xaiv yuav	Qhov Zoo	Qhov tsis zoo
Yuav online	Tau tus nqi pheej yig	Tsis tso siab, thiab kheev raug ntxiv nyiaj thaum tuaj txog, tus yus tsis zoo heev.
Mus ntawm chaw yuav	Tso siab, tsis raug ntxiv nqi kiag li, luag tu yus zoo dua.	Tus nqi kim zog

KEV NCIG TEBCHAWS

Nyob zoo ib tsoom kwv tij, nkauj muam, nraug nus, cov niam txiv thiab cov hlob txhua leej txhua tus!

Zoo siab txais tos nej txhua tus tuaj ncig saib peb lub tebchaws Nyab Laj nrog rau peb Hnoob Nyab Laj.

Nyob rau xyoo 2005 los txog rau nimno peb lub tebchaws tau koom haum ntiaj teb qheb kev sib txuas kev lag luam thoob qab ntuj, los txog rau niaj hnub nim no tab tom muaj cov neeg txawv tebchaws ntawm ntau lub tebchaws nkag los rau Nyab Laj teb. Tus yuav los ua dabtsi los muaj tag. Muaj ib txhia los saib kwv saib tij, ib txhia los pab tseem hwv tsim teb kho chaw, ib txhia los tis kev lag luam, ib txhia los pab cov neeg txom nyem, ib txhia los mus saib peb Hmoob lub neej txom nyem nyob pem roob thiab los ncig tebchaws ua si.

Ntawm no kuv yuav tsis hais ntau mus rau txhua yam, tiamsis kuv yuav hais ntau txog kev ua ncig tebchaws ua si. Hais txog ntawm kev ncig tebchaws rau tebchaws Nyab Laj, peb muaj ntau thaj chaw ua si xws li:

1. Nyob rau Sapa – Lao Cai – Vietnam

Liaj Qeb Ntai Nyob Sapa

Sapa yog ib lub chaw ua siab tshaj nram hiav txwv li 1.600m yog li ntawd mus txog ntawd peb yuav pom cuag li mus yuav ti rau saum qab ntug. Peb tebchaws muaj ib lo lug tias “Sapa yog rooj ntug”, tsis tag li ntawd peb yuav tau mus saib pom txog peb Hmoob lub neej thaum nyob rau suav teb khiav los nres rau thaj tsam no ces ib txhia mus rau sab Plog teb tshuav ib txhia nyob rau ntawm no. Peb Hmoob Sapa ua lub neej nrog toj roob hauv pes, nrog kem zeb kem tsua, ua liaj ua teb, txawm li ntawd los peb Hmoob Sapa muaj ib txhia tseem tuav tau peb Hmoob li Kab Lig Kev Cai Hmoob, txhua hmo uas yog hmo Sunday cov tub hluas Hmoob thiab tej Ntxhais hluas Hmoob tuaj koom ua ke rau hauv lub Moos Sapa hais kwv txhiaj thiab tshuab Raj tshuab Qeej lom zem kawg li thiab.

Poj Niam Hmoob Mus Ua Teb

Muaj ib txhia ho mus dua ib txoj kev tshiab uas mus Ntseeg Yexus. Ntawm cov ntseeg Yexus lawv ho muaj kev mus Church thiab. Nyias muaj nyias txoj kev, txawm li no los lawv tseem sibhlub sib pab thiab ua ke yam tsis muaj Laj Kab quas.

Thaum taug kev peb yuav tau pom tej Me Nyuam Hmoob taug kev thiab muag khoom. Zoo li lawv yeej ib txwm nyob lub tebchaws no los lawm es lawv yog cov nyiaj taus no heev. Twb no nqes 15C. los muaj ib txhia lawv tseem tsis tag hnav tsho loj tsho sov li thiab. Tej me nyuam 4 xyoos rov saud ces lawv twb pib mus muag khoom rau cov neeg txawv tebchaws lawm, tiamsis lawv ho tsis nyiam ua tej lub tsev muag, lawv ho nyiam caum cov neeg ncig tebncig chaw rau ub rau no xwb. Pebtsis to taub, tiamsis peb tau nrog lawv tham thiab lawv hais tias “peb txom txom nyem, peb tsis muaj nyiaj them se, ua li no peb tsis raug them se” tej zaum qhov no yog lawv lub tswv yim ua lag luam los muaj. Thaum mus ncig txog nram zog peb muaj kev yuav me ntsis khoom noj coj mus pub rau cov me nyuam, cov me nyuam nyiam tshaj thiab thaum ua li no ua rau yus lom zem thiab zoo siab heev.

Roob Toj Tuag No Dawm Tuag Tshaib

Tsis tag li no xwb tseem yuav tau mus rau peb roob toj siab mus txog rau ntawm thaj chaw ntawd lub dawm uas peb Hmoob ib txwm taw kev qhuab ke xa cov tuag mus, ntawm uas cov laus hais tias “toj tuag no, dawm tuag tshaib” ntawm thaj chaw uas peb cov laus los pem suav teb los thaum los dhau lub dawm no siab los siab, no los no thiab deb heev lost sis dhau zos yog li no ib txhia tuag tag rau pem lub roob no lawm. Lub roob no siab heev txawm yuav tshav ntuj zoo npaum twg los yeej muaj ib tauv huab tsis yaj li nyob rau saum lub ntsis roob no.

2. Nyob Rau Bác Hà – Lao Cai - Vietnam.

Hmoong Bác Hà

Dhau li ntawd peb yuav tau  mus ncig ib lub tab laj nyob rau Bác Hà thiab ntawm no kuj muaj peb cov hmoob coob heev. Cov hmoob ua nyob ntawm no lawv lub neej ho txawv zog li cov uas nyob rau Sapa, lawv cov no mas lawv ho tuaj muag khoom hauv lub tab laj. Lawv muag zaub, muag nqaij, muaj khaub ncaws hmoob,  muag nyuj muag twm, ua zaub ua mov muag, muag cawv thiab tseem muaj ntau yam  ntxiv, lawv cov no mas poj niam thiab txiv neej sib pab sib ua. Ib qho tshwj xeeb yog thaj chaw no lub tab laj no nto npe muaj cov cawv qab tshaj plaws thuam ub los txog nim no, cov cawv no yog muab cov poov uas yog xuas tes ua xwb thiab lawv muab pob kws coj los hau xwb, cov cawv no haus mas qaug thaum twg tsis paub li. Nyob rau teb chaws no cov txiv neej mas haus cawv qaug qaug thaum mus tsis taus lawm ces lawv pw tom tog kev thaum zoo cawv mam mus, tiamsis muaj ib qho uas tshwj xeeb tshaj yog txawm lawv zoo li no los lawv cov poj niam nyob ntawm ib sab zov txog thaum zoo cawv mam li ua ke mus tsev, hos tej tus poj niam muaj zog ces lawv ev lawv tus txiv mus tsev, qhov no yog ib qho ntawm lawv lub neej, qhov uas lwm haiv neeg hais tias poj niam Hmoob siab zoo thiab siab ntev heev.

3.      Nyob Rau Ha Long Bay – Quan Ninh – Vietnam.

Ha Long Bay

Thaum mus txog rau thaj tsam no peb yuav tau mus txog thaj tsam uas koom haum ntiaj teb tau muab tso rau hom chaw zoo nkauj thib ib nyob rau hauv ntiajteb no. Ntawm no yuav yog thaj chaw uas los tag tseem los xav los ntxiv, ntawm no  muaj tej kem zeb kem tsua, muaj tej qhov tsua, thiab tej roob zeb uas zoo nkauj tshaj tsis tag li ntawd nwg tseem nyob rau hiav txwv thiab, mus tog thaj tsam no peb muaj ib txhia tias ntawm no ntshe yog yawm saub thaj chaw ua si. Txog thaj chaw no peb muaj kev mus ua si li. Ib hnub, ob hnub thiab peb hnub. Thaum los txog rau Hà nội ces peb muaj tsheb txais tos thiab mus rau tod xa rov qab los huv si. Nyob ntawm sawvdaws xav nyob li cas xwb, nyias muaj nyias tus nqi.

Hom ib hnub yog mus tom Hanoi no mus rau tom Ha Long Bay ces yuav ces mus rau saum nkoj tag peb noj su saum nkoj, tag lawm peb yuav tau mus ncig lub qhov tsua uas zoo nkauj tshaj es tib neeg niaj hnub tuaj saib, es luag cav tias ntawm no thaum ub muaj ib tus Zaj Laus nyob rau hauv thiaj ua rau pej xeem ntawm no ua tau noj tau haus, dhau li ntawd yuav tau mus ncig txog ntawm ob lub pob zeb sib hnia, thiab ncig qee qhov tag rov los rau Hà Nội ces tsaus ntuj.

Hom ob hnub kuj mus ntawm Hà Nội tib yam kuj mus noj su saum nkoj thiab mus ncig hnub ib tib yam tiamsis hmo ntawd yuav pw rau hau hiav txwv hauv nkoj, yuav mus lawm pub pem plawv ces pw ib hmos rau pem tag kis thiaj sawv thiab noj tshais tag ces sawv kev rov los, los no los dua lwm txoj kev muab hais tau tias rov ncig pem ko los tawm tim ntug dej ces noj su tag zaum tsheb rov los Hà Nội,

Hom peb hnub peb kuj mus tom Hà Nội mus ib yam thiab, hnub ib hnub ob kuj ib yam tiamsis hnub peb thaum uas lub nkoj mus pw rau ntawd tag kis noj tshais tag ib cov mus ob hnub rov qab ces cov no yuav mus rau tim ntug deb thiaj nyob tsheb mus rau pem roob, ib lub koog pov txwv ua lawv hu ua “koog pov txwv liab” vim ntawm no nyob nrog tsiaj xwb, tshwj xeeb yog muaj liab ntau, hnub ntawd thaum tsaus ntuj mam li los so hotel peb muaj hotel rau sawvdaws tibsi. Hnub tom qab ntawd noj tshais tag ces rov los rau nram no peb muaj nkoj tos sawvdaws los rau tim ntug dej noj su tag rov los rau Hà nội.

4. Nyob Rau Mộc Châu – Sơn La – Vietnam

Me Nyuam Hmoob Mộc Châu

Ntawm no kuv yog ib thaj tsam nyob siab tshaj li hiav txwv yog …km. Ntawm no muaj ocv neeg uas yog hom neeg tsawg neeg nyob, mus txog yuav pom txog ib tsoom pej xeem ntawm no lawv lub neej thiab txoj kev ua neej lawv nyob tau ntxim hlub tshaj.

5. Nyob Rau Hà Nội – Vietnam

Pas Dej Hoàng Kiếm

Los txog rau Hà nội peb mauj cov chaw tshwj xeeb uas zoo. Xws li muaj lub pas dej uas peb hu hais tias “Tebchaws Nyab Laj los yog Hà Nội lub plawv” no yog hauv plawv nroog yog leej twg los txog peb tebchaws es tsis tau los txog lub pas dej no mas hut au tias tsis tau los txog peb tebchaws, ntawm no muaj zaj keeb kwm zoo heev txog ib tus “Vaub Kib Vajntxwv” nim no los nws tseem nyob, tej thaum zoo caij zoo nyoog nws tseem tawm los, no yog tus uas neeg Nyab Laj hawm, lawv hu hais tias yog lawv tus yawg koob. Dhau li ntawd peb muaj lub Vaj Loog cov tub txawg uas ntau tiam dhau los, lub tebchaws tau muab lawv tej suab tej npe lost so rau no, hais tias leej twg ua tau li cas, thiab ua li cas lawm thiab tseem muaj ntau qhov uas zoo nkauj heev thiab.

6. Nyob Rov Yav Qab Teb Vietnam 

Nyob Ntug Hiav Txwv Nha Trang

Nyob rov yav qab teb peb kuj muaj ntau thaj tsam ua si li: Vũng Tàu thiab Nha Trang yog ob thaj tsam, ob lub nroog nyov rau ntus hiav txwv, nyob rau peb tebchaws luag hais tias yog leej twg tsis tau  mus txog ob thaj chaw no mas tus ntawm suav tau tias tsis tus no tsis tau yug los ua neej, thiab tuag lost sis qi muag.

Zog Hmoob Nyob Pob Tsuas (qab teb)

Dhau li no kuj muaj Đạt Lạt (Lâm Đồng) yog cov neeg qab teb lub Sapa vim tias tebchaws no siab ib yam li Sapa thiab tsuag txawv qhov uas ntawm no tsi muaj cov keeb kwm li Sapa. Nyob ntawm no muaj cov vaj paj thiaj muaj chaw ua si uas zoo nkauj tshaj plaw li. Thaum ib tag kis pw sawv peb yuav tau txais tej huab cua uas ua rau yus ua paj yam yooj yim tshaj, yus ib ce sib npaum nkaus li yus ya ntag. Dhau li ntawd peb muaj Huế, Dà Nẵng thiab muaj ntau thaj tsam uas zoo nkauj xav tsis thoob li.

Yog li no thov caw sawv daws los nrog saib peb tebchaws no thiab peb yuav siv tag peb lub dag zog kom coj kev zoo siab los rau sawvdaws. Peb zoo siab yuav coj nej mus ncig ua si txhua qhov saum no. Nej tsuag yog hu los thiab qhia rau peb, seb nej yuav mus li cas, mus qhov twg, peb mam muab tus nqe rau nej xaiv. Peb txaus siab uas yuav npaj txhua yam no tos nej. Tau pab ib tsoom sawvdaws yog peb txoj kev npau suav. Sawvdaws yuav coj kev kaj siab los rau peb. Ua tsaug ntau.

Yog hais tias ib tsoom niam txiv kwj tij neej tsa nkauj muam nraug nus tu hlob tus yau txhua tus leej twg muaj lus nug dabtsi los yog xav los ncig saib thov xa los sis hu rau: